The Magic Flute

Árið 2006 hóf Metropolitan margverðlaunað Live in HD verkefni sitt með byltingarkenndri beinni útsendingu í háskerpu í kvikmyndahúsum. Töfraflautan var fyrsta verkið sem sýnt var með þessum hætti og óhætt er að segja að óperuunnendur um heim allan hafi verið heillaðir af kenjóttri glettni og stórkostlegum leikbrúðum Julie Taymor í þessari styttu útgáfu óperunnar á ensku. Meistari James Levine stýrði hljómsveitinni og sannkallað stórskotalið söngvara blés lífi í þetta sígilda ævintýri Mozarts, en þeirra á meðal má nefna Nathan Gunn, Ying Huang, Matthew Polenzani, Erika Miklósa og René Pape.