Miss Congeniality (2000)

Gracie Hart er alríkislögreglumaður sem vinnur á laun, í dulargervi, og er lítt gefin fyrir það að sýna sínar kvenlegu hliðar. Alla jafna er hún eldklár fulltrúi, en nú á hún í vandræðum í vinnunni þegar hún gerist sek um dómgreindarbrest í máli sem hefur slæmar afleiðingar. Vegna þessa er hinn rúðustrikaði starfsfélagi hennar Eric Matthews fenginn í hennar stað til að leiða rannsókn stórs og mikilvægs máls, þar sem leita þarf uppi hryðjuverkamanninn The Citizen, en hún sjálf þarf mögulega að sæta áminningu. Gracie kemst þó yfir sönnunargögn um að The Citizen muni næst láta til skarar skríða á fegurðarsamkeppninni Ungfrú Bandaríkin. Keppnin stendur fyrir allt sem Gracie hefur andstyggð á, en þrátt fyrir það þá verður hún nauðug viljug að fara í dulargervi sem keppandi í keppninni til að reyna að hafa upp á The Citizen, sem gæti verið einn af keppendunum.